AFFA tərəfindən Mərdəkandakı «Dalğa» İstirahət Mərkəzinin ərazisində inşa olunmuş meydançada çimərlik futbolu üzrə Azərbaycan və Türkiyə milli komandaları arasında ilk yoldaşlıq oyunu keçirilib. Qarşılaşmanın əsas vaxtı 2:2 hesablı bərabərliklə başa çatıb. Millimizdən qolları Elşad Quliyev və Müslüm Hüseynov vurublar. Əlavə vaxtda qol olmadığından qalibi penalti zərbələrindən sonra müəyyən etmək mümkün olub.
Nəticədə Türkiyə millisi oyundan 12:11 hesablı qələbə ilə ayrılıb. Xatırladaq ki, çimərlik futbolu üzrə Azərbaycan və Türkiyə milli komandaları arasındabaş tutacaq ikinci yoxlama oyunu bu gün saat 18:00-da başlayacaq. Stadiona giriş pulsuz olacaq.
23.06.2010 |
